O PRIMEIRO PICASSO.

Hoxe tivemos a oprtunidade na nosa saída de coñecer o porque do título da exposición. Foi unha exposición acompañada das magníficas explicacións do noso guía Pablo a traves da primeira etapa de pintor de Pablo Ruíz Picasso que, tivemos a sorte de que se desenvolvera na cidade da Coruña.
 Da nosa visita non hai fotos pois non estaba permitido facer fotos nen gravar en toda a exposición.
Aprendemos un montón como que Picasso viaxou coa súa familia (o seu pai, José Ruíz, a súa nai María Picasso, e as súas irmás Conchita e Lola) dende Málaga ata Vigo nunha travesía en barco que durou 7 días e ,despois dende Vigo a Coruña por tren que tardou 18 horas.

Na Coruña Picasso practicou a debuxar esculturas, do natural...debuxos cos que encheu moitos cadernos. Tamén aprendimos que se pode pintar sobre lenzos e sobre tabliñas. Vimos a súa antiga caixa de pinturas que levaba consigo nos seus paseos polas rúas da Coruña.
Agora só queda practicar, practicar e practicar...Houbo xente que dixo que Picasso nunca chegaría a ser un bo pintor...persigamos os nosos soños!

MR. PICASSO HEAD.

Divertida páxina web onde podedes practicar a ser Picasso e deseñar os vosos retratos picassianos. A xogar!!! Hai que seleccionar unha das partes da cara: cara, ollos, nariz, labios, orellas, cellas, formas abstractas e firma. Na parte de abaixo podedes rotar as pezas, poñerlle cor...

Esta é a cara que creei eu para os meus Sapoconchos títulase "A windy day can change your face"( un día con vento pode cambiar a túa cara).

SAÍDA MUSEO DE BELAS ARTES DA CORUÑA : O PRIMEIRO PICASSO.